حەزێن من یێن ڤەکۆلینێ ل دۆر پیڤان و هەلسەنگاندنا پەروەردەیی و دەروونناسیێ دزڤرن، ب تایبەتی ل سەر گەشەپێدانا ئامرازێن هەلسەنگاندنا سایکۆمەتری و پەروەردەیی و خواندنا تایبەتمەندیێن وان یێن سایکۆمەتری. کۆلەکەکا سەرەکی یا ڤەکۆلینێن من بکارئینانا ڤان ئامرازانە بۆ دەستنیشانکرن و لێکدانا دیاردێن پەروەردەیی و دەروونی.

هەروەسا حەزێن من بابەتێن وەک ساخلەمیا دەروونی، پالنەرێن فێربوونێ، گونجاندنا دەروونی-جڤاکی، و ئەو فاکتەرێن کارتێکرنێ ل سەر دەستکەفتێن ئەکادیمی دکەن بخۆڤە دگریت، ئەڤە هەمی ب رێکا بکارئینانا رێبازێن ئاماری یێن سەردەم د شیکارکرنا داتایان دا. ب رێکا ڤان ڤەکۆلینان، ئەز بزاڤێ دکەم ئەنجامێن کارپێکری پێشکێش بکەم کو پشکداریێ د گەشەپێدانا کارێن پەروەردەیی و شێورکاریێ دا بکەن و خزمەتا جڤاکی بکەن.

من دەست ب کارێ خۆ یێ وانەگۆتنێ ل زانکۆیێ ل سالا 2021ێ ل کۆلێژا پەروەردا بنەرەت ل زانکۆیا دهۆکێ، پشکا رابەرییا پەروەردەیی و دەروونی کر، کو من هندەک بابەتێن سەرەکی و بسپۆری گۆتینە، ژ وان ژی: پیڤان و هەلسەنگاندن، دەروونناسییا گشتی، دەروونناسییا پەروەردەیی، کێشەیێن دەروونناسیێ، و رێکێن رێنماییکرنێ.
ئەڤ ئەزموونە بوو دەرفەتەکا گرنگ بۆ پێشئێخستنا شارەزاییێن من یێن ئەکادیمی و پەروەردەیی ب رێکا کارکرنێ دگەل قوتابیێن خودان باکگراوەند و شیانێن جودا، کو ئەڤێ چەندێ ئەز پالدام دا کو رێکێن سەردەمانە یێن وانەگۆتنێ بکاربینم یێن کو گرنگیێ ددەنە هەڤکاری و پشکداریا کارا، و جوداهیێن تاکەکەسی د ناڤبەرا فێربوویان دا ل بەر چاڤ وەردگرن. هەروەسا من هەول دایە ستراتیژیێن فێرکاری بکاربینم کو لایەنێ تیۆری و پراکتیکی پێکڤە گرێ ددەن، ب رێکا گەنگەشەیێن زانستی، شۆڤەکرنا حالەتێن خواندنێ، و چالاکییێن د ناڤ پۆلێ دا کو دبنە ئەگەرێ کویرکرنا تێگەهشتنێ و گەشەپێدانا هزرکرنا رەخنەگرانە.
د ماوێ سالێن کارێ من یێ وانەگۆتنێ دا کو تا نوکە بەردەوامە، من هەول دایە ژینگەکا فێرکاری یا پشتەڤان دابین بکەم کو پشکدار بیت د ئاڤاکرنا کەسایەتییا قوتابی ژ لایێ زانستی و پیشەیی ڤە، و شیانێن وی ب هێز بکەت بۆ بکارئینانا زانستێن دەروونی و پەروەردەیی د بارودۆخێن کارکرنێ دا.

ژ سالا 2021ێ وەرە، ئەز سەرپەرشتییا پرۆژەیێن دەرچوونا قوتابیێن قوناغا چارێ ل پشكا رابەرییا پەروەردەیی و دەروونی ل كۆلیژا پەروەردەیا بنیات ل زانكۆیا دهۆكێ دكەم. ئەڤ پرۆژەیە د بوارێن پیڤان و هەلسەنگاندنا پەروەردەیی و دەروونناسییا گشتی دانە، كو دگەل حەزێن من یێن ڤەکۆلینێ دگونجن و پشته‌ڤانیێ ل ئاراستەیێن ئەكادیمی یێن پشكێ دكەن.
ئەز ب رێكا ڤێ سەرپەرشتییێ بزاڤێ دكەم قوتابیان خودان شیان بكەم بۆ بكارئینانا میتۆدێن ڤەکۆلینێ یێن گونجای، و هەلبژارتنا ئامرازێن پیڤانێ یێن دروست، و شرۆڤەكرنا داتایان ب رێكێن ئاماری یێن زانستی، ب رەنگەكێ كو شیانێن وان یێن ڤەکۆلینێ بهێز بێخن و وان بەرهەڤ بكەن بۆ خواندنا بلند یان ژی كاركرنا پیشەیی د ناڤ بوارێ پەروەردەیێ دا.

ژ سالا 2021ێ وەرە ئەز وەک بڕیاردەرێ پشكا ڕابەرییا پەروەردەیی و دەروونی ل کۆلیژا پەروەردەیا بنەرەت ل زانکۆیا دهۆک کار دکەم، کو ئەڤە پۆستەکێ ئەکادیمی و کارگێڕییە. ئەڤ رۆلە سەرپەرشتیکرنا بەرنامەیێن ئەکادیمی، رێکخستنا پلانێن خواندنێ و دویڤچوونا ئەدایێ زانستی یێ ئەندامێن دەستەیا مامۆستایان بخۆڤە دگریت، داکو کوالیتیا دەرئەنجامێن فێرکرنێ ل دویڤ پیوەرێن پەسەندکری بهێتە مسۆگەرکرن.
د ڤێ چوارچۆڤێ دا، ئەز یێ رژدم ل سەر نویژەنکرنا پرۆگرامێن خواندنێ ب شێوەیەکێ کو دگەل پێدۆڤیێن قوتابیان و داخوازێن بازاڕێ کاری بگونجت، هەروەسا گەشەپێدانا کەلتوورێ ڤەکۆلینێن زانستی، و پەیوەندیکرن دگەل دەزگەهێن پەروەردەیی و جڤاکی ژ پێخەمەت بدەستڤەئینانا تەواکاریێ د ناڤبەرا هەردوو لایەنێن تیۆری و پراکتیکی دا.

لا توجد سيرة ذاتية