کۆلیژا پەرستاریێ ل سالا ٢٠٠٧ێ هاتە دامەزراندن وەک بەرسڤدانەک بۆ داخوازا ل سەر پسپۆرێن پەرستاریێ و ژ بەر وێ یەکێ کو پیشەیێ پەرستاریێ گرنگییەکا مەزن بۆ دەڤەرێ هەیە، ب ڕەچاوکرنا وان پێشوەچوونێن د زانستێن پزیشکی دا ب گشتی پەیدابووین. کۆلیژا پەرستاریێ پابەندە ب گێڕانا ڕۆلەکێ کارا د دابینکرنا پێدڤیێن جڤاکی دا، لەورا ئارمانجا وێ باشترکرنا خزمەتگوزاریێن ساخلەمیێ یە ل پارێزگەها دهۆکێ. کۆلیژ فێرکرنەکا سەردەم د هەردوو بیاڤێن تیۆری و کرداری یێن پەرستاریێ دا دابین دکەت. زانستێن پزیشکی دگەل وانەیێن هونەرێن ئازاد د ناڤ پڕۆگرامێ خواندنێ دا هاتینە تێکەڵکرن بۆ دابینکرنا پاشخانەکا پێدڤی بۆ پشتەڤانیکردنا زانیاریێن تیۆری یێن بنەرەتی، یێن کو پەرستارێن خودان شیان پێدڤی پێ هەی بۆ پێشکێشکرنا چاڤدێریێ بۆ تاکەکەس و خێزانێن ساخلەم و نەخۆش د ناڤەندێن جودا یێن چاڤدێریا ساخلەمییا دەستپێکی، دویەمین و سێیەمین دا. پڕۆگرامێ خواندنێ ڕێبازا چارەسەرکرنا کێشەیان د کارێ پەرستاریێ دا پەیڕەو دکەت دا کو دەلیڤێ بدەتە دەرچوویان سەرەدەریێ دگەل حالەتێن پەرستاری یێن ئاڵۆزتر و جوداتر بکەن. کۆلیژا پەرستاریێ ناڤودەنگییەکا باش د بالادەستییا بێ سنوور دا ب دەستڤەئینایە د بوارێن: ڤەکۆلین، وانەگۆتن، ممارسەیا کلینیکی و خزمەتگوزارییا گشتی دا. کۆلیژ ژ چوار پشکێن سەرەکی پێکدهێت کو ئەڤە نە: پەرستاریا مەزنان و بنەمایێن پەرستاریێ، پەرستاریا ساخلەمییا دەروونی و زارۆکان، پەرستاریا ساخلەمییا جڤاک و دایکان، و زانستێن بنەرەتی. کۆلیژ خودان شەش هۆڵێن وانەگۆتنی یە، دگەل دوو هۆڵێن سمیناران، و پێنج تاقیگەهان بۆ ممارسەیا کلینیکی.

کۆلیژێ ٤٨٨ قوتابی د ئاستێ بەکالۆریۆسێ دا پێگەیاندینە ژ سالا ٢٠١١ێ و هەتا نوکە. کۆلیژا پەرستاریێ خواندنا بلند د ئاستێن ماستەر و دکتۆرایێ دا دابین دکەت. بەرنامێ ماستەرێ ل سالا ٢٠١٣ێ هاتە دامەزراندن و کۆلیژێ ٤١ قوتابی د پسپۆریێن جودا دا پێگەیاندینە کو پەرستاریا مەزنان، زارۆکان، دەروونی، ساخلەمییا جڤاک، و پەرستاریا دایکان ب خۆ ڤە دگریت. زێدەباری ڤێ یەکێ، خواندنا دکتۆرایێ ل سالا ٢٠١٧ێ هاتە دامەزراندن و نوکە ١٦ قوتابیێن دکتۆرایێ د پسپۆریێن جودا دا دخوینن، ژ وان: سێ د پەرستاریا مەزنان دا، سێ د پەرستاریا دەروونی دا، حەفت د پەرستاریا زارۆکان دا، سێ د پەرستاریا دایکان دا و ئێک د پەرستاریا جڤاکی دا. یا هەژی گۆتنێ یە کو ئێکەم دەرچوونا دکتۆرایێ ل سالا ٢٠٢٠ێ بوو.